Keypstreytir

Vøruútbering: Vit senda vørur út runt um í Føroyum eins og uttanlands. Sendingarkostnaður verður lagdur afturat keypsprísinum. Útberingartíð í Føroyum er vanliga 3-4 arbeiðsdagar. Útberingartíð uttanlands kann vera skiftandi frá 7 til 14 arbeiðsdagar. 

Iðranarrættur og aftursendingarrættur: Angrar tú keypið, ber til at senda vøruna aftur innan 14 dagar, og hereftir hevur tú 14 dagar til aftursending av vøruni. Vøran skal vera í sama standi, sum tá henda varð keypt. 

Ein vøra verður mett sum 'brúkt,' um henda er brúkt út yvir tað, sum ber til við at royna vøruna í handlum okkara.

Um vøran er brúkt, skal ein nágreinilig meting gerast av, hvat brúkta vøran kann seljast víðari fyri. Um vøran í hesum høpi er minkað í virðið, hevur brúkarin ikki rætt til at senda hesa aftur. 

Fylgir upprunalig kvittan við eini møguligari aftursending, kann brúkarin fáa peningin endurgoldnan ella fáa ein áognarseðil.

Til ber at senda pakkan aftur ella at venda sær til handlar okkara á Toftum ella í SMS, Tórshavn. Vinarliga send um somu tíð eitt teldubræv til kundatænastu okkara á navia@navia.fo ella ring á +298 44 92 82.

Um ein brúkari gagnnýtir sín iðranarrætt innan 14 dagar, verður fulla upphæddin afturgoldin, íroknað sendingarkostnað v.m. frá Navia. 

Í sambandi við eina møguliga aftursending av eini vøru skal brúkarin sjálv/ur rinda fyri aftursendingarkostnað til Navia.

Persónligar upplýsingar: Tá ið tú keypir eina vøru, skalt tú stovna eina brúkarakontu, har tú upplýsir navn, bústað, teldupost, tlf.nr. og aðrar viðkomandi upplýsingar. Tínar upplýsingar verða goymdar til framtíðarkeyp, tá einans verður neyðugt við telduposti og loyniorði.

Um tú ikki ynskir at hava eina brúkarakontu ella at móttaka tilboð frá Navia umvegis teldupost, vinarliga send ein teldupost um hetta til navia@navia.fo, og verður konta tín síðani slettað av kundaskipanini. 

Mist bindingarmynstur: Um tú missur eitt keypt bindingarmynstur á telduni, ber ikki til at gera krav upp á eitt nýtt. Um mynstrið ikki sæst á telduni, verður tú vinarliga biðin um at seta teg í sambandi við: navia@navia.fo

Feilur í bindingarmynstrinum: Um feilur er í bindingarmynstrinum, so sum viðv. nøgd av tógvi, ert tú vælkomin at seta teg í samband við Navia. Endurgjald fæst ikki í hesum høpi, men vit hjálpa fegin við at finna loysnina.

Gávukort: Keypir tú gávukort á heimasíðuni, skal virði setast á gávukortið eins og navn og teldupostur hjá móttakara útfyllast. Gávukortið verður síðani sent umvegis teldupost. Móttakarin fær ein teldupost við einum boðum um gávukortið eins og eina avsláttarkotu, sum kann nýtast við at keypa á heimasíðuni. Gávukort eru galdandi í eitt ár.

Endurgjaldskrav: Keypilógin er viðkomandi í sambandi við feil ella mangul í vøruni. Hevur tú sum brúkari goldið fyri vørur, hevur tú í tráð við Keypilógina 24 mánaðar endurgjaldskrav til allar vørur.  

Hetta merkir, at tú kanst antin fáa vøruna umvælda, umbýtta, fáa peningin aftur ella avsláttur í prísinum alt eftir ávísu støðuni, ið talan er um. Endurgjaldskravið skal tó um somu tíð vera rættvístgjørt og vísa á, at møguligur feilur ella mangul ikki er íkomin orsakað av skeivum brúki av vøruni ella øðrum skaðaelvandi atburði, ið kann metast sum atvold til møguligan feil ella mangul í vøruni.

Viðv. vørum við avmarkaðari livitíð er endurgjaldskravið somuleiðis avmarkað til haldgóðskutíðarskeiðið, ið vanliga ger seg galdandi viðv. ávísu vøruni.

Finnur tú ein feil ella mangul í keyptari vøru, skalt tú sum brúkari skjótast gjørligt og innanfyri rímiligt tíðarskeið, seta teg í samband við Navia og greiða frá, hvørjum feilur ella mangul er í. Um tú setur fram endurgjaldskrav innan tveir mánaðar eftir, at feilur ella mangul er funnin, verður endurgjaldskravið altíð roknað sum rættstundis.

Endurgjaldskrav kann gerast við at seta teg í samband við kundatænastu okkara ella við at venda tær til ein av handlum okkara. Er feilur ella mangul í vøruni, roynir Navia altíð at umvæla vøruna ella at býta vøruna um, um hetta ikki ber ov høgan kostnað við sær fyri Navia.

Er endurgjaldskravið rættvístgjørt, rindar Navia eisini fyri rímiligan aftursendingarkostnað. Vøran skal altíð sendast aftur í ráðiligari innpakking, og minst til at fáa kvittan fyri aftursending, so vit kunnu rinda endurgjald fyri tín aftursendingarkostnað.

Gjalding: Tú kanst bert rindað við gjaldskorti, har tú innskrivar tínar kortupplýsingar. Vit viðgera upplýsingarnar í trúnaði og veita vissu fyri 100% trygd. Til ber at rinda við fylgjandi gjaldskortum: 

- Visa

- Dankort

- Visa - Dankort 

- MasterCard

- Visa Electron

Tá rindað verður, skalt tú útfylla fylgjandi: nr. á gjaldskortinum, lokadag og eftirlitstølini á baksíðuni av gjaldskortinum. Tá ið tú trýstir á "Góðkenn," verður peningurin tikin av kontu tíni, og tú fært eina rokning sendandi á telduposti.

Við vón um, at tú hevur havt gleði av okkara vørum og tænastum. Vit takka fyri keypið.